Sportistët jo rrallë i shtyjnë trupat e tyre deri në kufijtë ekstremë duke përballuar jo vetëm lodhjen fizike, por edhe sfida të ndërlikuara metabolike. Një nga suplementet më të diskutuar për mbështetjen e performancës dhe rikuperimit është BCAA (aminoacidet e degëzuara): leucinë, izoleucinë dhe valinë. Këto aminoacide esenciale janë jetike për sintezën e proteinave të muskujve, reduktimin e dëmtimit muskulor dhe menaxhimin e lodhjes së shkaktuar nga ushtrimi. Meqënese trupi i njeriut nuk i prodhon vetvetiu, ato përfitohen me ushqim dhe suplemente.
Dy formulime të zakonshme janë 2:1:1 dhe 4:1:1 që nënkupton:
2:1:1: Për çdo 2 pjesë leucinë, ka 1 pjesë izoleucinë dhe 1 pjesë valine;
4:1:1: Ka dyfish më shumë leucinë, me 4 pjesë leucinë dhe 1 pjesë izoleucinë dhe valinë secila;
- Leucina është stimuluesi më i fuqishëm i sintezës së proteinave të muskujve. Gjithashtu ndihmon në reduktimin e dëmtimit të muskujve gjatë ushtrimeve të zgjatura;
- Izoleucina ndihmon në rritjen e marrjes së glukozës në qeliza, duke ofruar një burim të rëndësishëm energjie gjatë aktiviteteve të gjata;
- Valina ndihmon në kufizimin e përthithjes së triptofanit në tru, duke ndihmuar në vonimin e lodhjes qendrore;
Mund të duket që 4:1:1 për shkak të përmbajtjes më të madhe të Leucines është zgjedhje e lehtë por më shumë nuk është gjithmonë më mirë sepse efikasiteti i BCAA është tek balanca e tyre dhe lloji i aktivitetit fizik ku do të përdoren.
Për vrapuesit, çiklistët, triatletët dhe aktivitete tjera të gjata— raporti 2:1:1 është përgjithësisht zgjedhja më e mirë për shkak të furnizimit të qëndrueshëm me energji, reduktimit të lodhjes dhe mbrojtjës së muskujve.Nërsa, BCAA 4:1:1 mund të jenë më e dobishme në sportet ku kërkohet forcë më e madhe e mënjherershme si bodybuilding, crossfit, peshëngritje etj.
